Play Back (2021) Sinhala Subtitle | සිංහල උපසිරැසි

 

ආයුබෝවේවා! අද ඇවිත් ඉන්නේ Thriller/Fantasy ගණයට අයිති වන සුපිරි තෙලුගු ෆිලුමකට උපසිරැසි අරගෙනයි. මුලින්ම කියන්න ඕනේ දෙපාරක් නොහිතා චිත්‍රපටය බාගන්න කියලා, මොකද මට නම් හොඳටම සෙට් වුනා මේ චිත්‍රපටය. දැනට IMDb දර්ශකයේ 8.6 ක් වැනි ඉහළ අගයක් ලබා ගැනීමට සමත්කම් දක්වා තිබෙන මේ චිත්‍රපටය නම් සම්පූර්ණයෙන්ම කුතුහලය පිරුණු චිත්‍රපටයක් කියලා කියන්න පුලුවන්. ඒ වගේම අපි කාලය හරහා සම්බන්ධ වෙන කතා දැක්වෙන ඕනෑ තරම් ඉංග්‍රීසි චිත්‍රපට බලලා ඇති මං දන්න විදිහට මේක තමයි කාලය හරහා සම්බන්ධතා පැවැත්වීම ගැන කියවෙන පළමු තෙලුගු චිත්‍රපටය. 

2021 මාරුතු 05 වෙනිදා නිකුත් කෙරුණු මේ චිත්‍රපටය අධ්‍යක්ෂණය සහ තිර පිටපත සිදු කර තිබෙන්නේ Hari Prasad Jakka විසින්. Arjun Kalyan, Ananya Nagalla සහ Spandna Palli ප්‍රධාන චරිත වලට රංගණයෙන් දායකත්වය දක්වනවා. පොඩ්ඩක්වත් ස්පොයිල් කරගන්න කැමති නැති කට්ටිය ඉතුරු ටික කියවන්නේ නැතුව සබ් එකත් බාගෙන කමෙන්ටුවකුත් දාගෙන යන්නලා. මෙම චිත්‍රපටය පුරා දිවෙන්නේ අමුතු දුරකථන ඇමතුමක් එහෙමත් නැත්නම් කාලය හරහා ලැබෙන දුරකථන ඇමතුමක් හා ඒ වටා ගෙතෙන කතාවක් ගැන. ටිකක් විතර කිවුවොත් චින්නු කියන්නේ අපේ කතා නායකයා. මෙයාට ආසාව තියෙන්නේ මාධ්‍යවේදියෙක් වෙන්න. අනාථ දරුවෙක් විදිහට හැදෙන මේ චින්නුට මාධ්‍යවේදියෙක් වෙන්න උත්සහ කරනකොට වුන ඇබැද්දියක් නිසා කුලීයට හිටිය ගෙදරින් යන්න සිද්ධ වෙනවා. ඉතින් එහෙම යන්නේ අවුරුදු ගානක් පරණ ගෙදරකට. ඉතින් මේ ගදරට ගිය අලුත මේ ගෙදර තියෙන පරණ දුරකථනයට ගෑණු ළමයෙක්ගෙන් කෝල් එකක් එනවා. වැරදි නම්බර් එකක් කියලා තිබ්බත් මොකද ඒ ෆෝන් එකෙන් ගන්න හැම කෝල් එකක්ම එන්නේ මේ චින්නු ඉන්න ගෙදර තියන ෆෝන් එකට. ඉතින් චින්නුට අමුත්තක් දැනුනත් දවසක් දෙකක් කතා කර කර ඉන්නකොට ගෙදර අයිතිකාරයා ඇවිත් අහනවා මෙයාට පිස්සුද කියලා. මොකද ඒ දුරකථනය විසන්ධි කරලා අවුරුදු 25කටත් වඩා වන නිසා. 

ඒ කෝල් කරපු ගෑණු ළමයා කවුද? මේ දුරකථනයේ ඇති විශේෂත්වය මොකක්ද? තව විසඳගන්න ප්‍රශ්න ගොඩයි.  ඉතින් මේ කුතුහලය පිරුණු කතාව බලන්න කියලා හැමෝටම ආරාධනා කරමින් අදට සමු ගන්න්න ගමන් මේ චිත්‍රපටය ගැන ඔත්තුව දුන්නු සිසිල ප්‍රසාද් සහෝදරයාටත් බොහොම ස්තූතියි කියනවා. තවත් උපසිරැසියකින් හමු වෙමු. ඔබට ජය!

සිංහල උපසිරැසි මෙතනින් බාගන්න

චිත්‍රපටය Baiscopedownloads වෙබ් අඩවියෙන් බාගන්න

Cinema Bandi (2021) Sinhala Subtitle | සිංහල උපසිරැසි

 

ආයුබෝවේවා! තවත් තෙලුගු සිනමා පටයකට සිංහල උපසිරැසි අරගෙන තමයි අද ඇවිත් ඉන්නේ. මුලින්ම කියන්න ඕනේ  සම්ප්‍රධායික චිත්‍රපට කලාවෙන් මිදුණු චිත්‍රපටයක් නිසා වෙනස් විදිහේ චිත්‍රපට බලන්න කැමති අයට තමයි මේක හරියන්නේ. විශේෂයෙන් මලයාලම් චිත්‍රපට ආරට කැමති අයට නම් මේක මැණිකක්. Praveen Kandregula ගේ කුළුඳුල් සිනමා අධ්‍යක්ෂණයක් වන මේ චිත්‍රපටය කෝඩුකාර රංගණ ශිල්පීන් බොහෝ දෙනෙක්ගෙන් සමන්විතයි. තිර රචනය Vasanth Maringanti ගෙන්. සංගීතය  Satyavolu Sirish සහ Varun Reddy ගෙන්. පවතින කොරෝනා වසංගතය හමුවේ 2021 මැයි 14 වෙනිදා නෙට්ෆ්ලික්ස් හරහා මුදා හැරුණු මෙම චිත්‍රපටයට මේ වන විට IMDb දර්ශකයේ 8.2ක අගයක් ලැබී තිබෙනවා. 

ගැමි පරිසරයක් වටා ගෙතෙන මෙම චිත්‍රපටය පුරාම දිවෙන්නේ කැමරාවක් නිසා ඇතිවුන සිදුවීම් පෙළක් ගැන. වීරා කියන්නේ දුෂ්කර ගමක ත්‍රීවිල් රියදුරෙක්. හැම වෙලාවෙම ගම ගැනමයි කතාව. ගම පහත් කරලා කතා කරනවාට කොහෙත්ම කැමති නෑ. කවදා හරි ගම දියුණු වෙයි කියන මතය හිතේ දරාගෙන ඉන්න මේ වීරාට දවසක් ත්‍රීවිල් එකේ දාලා ගිහින් තිබිලා කැමරාවක් හම්බවෙනවා. කැමරාවක් කිවුවට නිකන්ම නිකන් කැමරාවක් නෙවෙයි. ලක්ෂ ගානක් වටින, චිත්‍රපට නිෂ්පාදනයට යොදා ගන්නා මාදිලියක කැමරාවක්. ඉතින් මේ කැමරාව විකුණන්න හිතන් ඉන්න වීරාට ටීවී එකේ ගිය ප්‍රවෘත්තියක් හිතට වදිනවා. ඒ තමයි ඉස්සරට වඩා දැන් පොඩි පොඩි චිත්‍රපට, මහා පරිමාණ චිත්‍රපට වලට වඩා සාර්ථක වන බව ගැන කියවුන ප්‍රවෘත්තියක්. ඉතින් වීරාටත් හිතෙනවා මේ කැමරාව විකුණන්නේ නැතුව  පොඩියට චිත්‍රපටියක් කරන්න. ඉතින් මේ අහිංසක ගැමි හිතේ ඇතිවුන ඒ සිතුවිල්ල මල්ඵලගන්වා ගන්න දරණ උත්සාහය ගැන තමයි මේ විනාඩි 98ක් පුරා දිවෙන චිත්‍රපටයෙන් කියවෙන්නේ. එහෙනම් වෙනස් චිත්‍රපට වලට කැමති හැමෝටම බලන්න කියලා ආරාධනා කරනවා.

ඒ වගේම මේ චිත්‍රපටයට උපසිරැසි කරන්න කියලා ආරාධනා කරපු අශාන් විමුක්ති සහෝදරයාට වගේම මුහුණු පොතෙන් ඉල්ලීම් කරපු අයටත් බොහොම ස්තූතියි කියමින් අදට සමුගන්නවා. ඒ වගේම චිත්‍රපට බලලා ගුණදොස් කියන්න කියලත් හැමෝටම ආරාධනා කරනවා. තවත් උපසිරැසියකින් හමුවෙමු. ඔබට ජය!

සිංහල උපසිරැසි මෙතනින් බාගන්න

චිත්‍රපටය Baiscopedownloads වෙබ් අඩවියෙන් බාගන්න

Uppena (2021) Sinhala Subtitle | සිංහල උපසිරැසි

 

ආයුබෝවේවා! තවත් තෙලුගු Romantic Drama කාණ්ඩයට අයිති වුන චිත්‍රපටයකට උපසිරැසි අරගෙනයි කාලෙකින් ආවේ. සුප්‍රසිද්ධ චිත්‍රපට අධ්‍යක්ෂකවරයෙක් වන Sukumar විසින්  Naveen Yerneni සහ Y. Ravi Shankarගේ දායකත්වය  ඇතිව මෙම චිත්‍රපටය නිෂ්පාදනය කර තිබෙන අතර තිර පිටපත් රචනය හා අධ්‍යක්ෂණය කර තිබෙන්නේ තම කුළුඳුල් සිනමා අධ්‍යක්ෂණය ලෙසින් Bucchi Babu Sana විසින්. සංගීතය  Devi Sri Prasad ගෙන්. Panja Vaisshnav Tej සහ   Krithi Shetty ප්‍රධාන නලු නිලි යුවල තම සිනමා ජීවිතයේ ප්‍රධාන චරිතයකට පණ පොවන පළවෙනි චිත්‍රපටයත් මෙයයි. ඒ වගේම අති දක්ෂ චරිතාංග නළු Vijay Sethupathi විසින් ද ප්‍රධාන චරිතයකට පණ පොවනවා. මේ චිත්‍රපටය 2020 අප්‍රේල් මාසයේ නිකුත් කිරීමට තීරණය කර තිබුණත් කොරෝනා වසංගතය හමුවේ නිකුත් කරන්න වුනේ 2021 පෙබරවාරි මාසයේදියි. 

මේ චිත්‍රපටය ගැන නම් විශේෂ කාරණා කිහිපයක්ම කතා කරන්න  තියෙනවා. කොරෝනා වසංගතය හමුවේම නිකුත් කළත් වාර්තා පිට වාර්තා තැබුවේ කාගෙත් අවධානය මේ චිත්‍රපටය පැත්තට යොමු කරගනිමින්. 

- ඉන්දියානු රුපියල් කෝටි 22 ක වියදමින් නිෂ්පාදනය කළ මෙම චිත්‍රපටය මාසයක් ගතවෙද්දී කෝටි 85කට වඩා වැඩි ආදායමක් ලබා ගැනීමට සමත්කම් දක්වා තිබෙනවා. 

- රොමෑන්ස් ශානරයේ දකුණු ඉන්දියන් චිත්‍රපටයක් ලබාගත් තුන්වන වැඩිම බොක්ස්ඔෆිස් ආදායම  වන අතර  මෙයට ඉදිරියෙන් පසුවන්නේ GeethaGovindam ( 130cr ) සහ Fidaa (92cr ) චිත්‍රපට දෙක පමණයි. 

- තම කුළුඳුල් චිත්‍රපටයේදී ( Debut ) නලුවෙක් ඉන්දීය සිනමාවේ ලබාගත් දෙවනි වැඩිම බොක්ස්ඔෆිස් ආදායම මෙය ලෙස සැලකෙනවා. එය දෙවනි වන්නේ වරුන් ධවාන් සහ සිද්ධාර්ත් රඟපෑ Student Of The Year (2011) චිත්‍රපයට පමණයි.  

- Uppena අතිසා‍ර්ථකවීම නිමිත්තෙන් Mythri Movie Makers සමාගම විසින්  වයිශ්නව් තේජ්හට ඉන්දියානු රුපියල් කෝටියක්ද ,  ක්‍රිති ශෙට්ටි හට ලක්ශ 50ක්ද ,  අධ්‍යක්ශක බුචී බාබු හට බෙන්ස් කාරයක්ද ත්‍යාග වශයෙන් ලබා දී තිබෙනවා.

- ඒ වගේම චිත්‍රපටය සාර්ථක වෙන්න ප්‍රධාන හේතුවක් DSPගේ සංගීතය. එහි එන සියලුම ගීත ජනප්‍රිය වනවා. විශේෂයෙන් "Nee Kannu Neeli Samudram" ගීතය අතිශය ජනප්‍රිය වෙන්නේ කාගෙත් සිත් ඇද බැඳ තබා ගනිමින්. එම ගීතිය නම් තවත් බොහෝ කාලයක් ගොඩක් දෙනෙක්ගේ කැමතිම ගීත ලැයිස්තුවේ තියේවි. 

- 17 හැවිරිදි ප්‍රධාන නිලි ක්‍රිති ශෙට්ටි දැනටමත් තරුණයින් අතර උන්මාදයක් වී හමාරයි. 

කතාව ගැන බැලුවොත් බේබම්මා එහෙමත් නැත්නම් සංගීතා කියන්නේ ගමේ ප්‍රධාන තනතුරක් දරන කෙනෙක්ගේ දුවෙක්. ආසි කියන්නේ ධීවරයෙක්ගේ පුතෙක්. බේබම්මාගේ තාත්තා හැමදේටම වඩා පවුලේ නම්බුව ගැන හිතන කෙනෙක්. ධීවරයෙක් වන ආසිගේ තාත්තා වැඩ කරන්නේ ඒ රායනම් යටතේයි.  ආසි පොඩි කාලේ ඉඳන්ම මේ රුවැත්තියට කැමැත්තෙන් බලන් ඉන්නවා. කවදාවත් ගමට ආවෙ නැති බස් එක බේබම්මාව කොලේජ් එක්කන් යන්නම ගමට එනවා. ඒ බස් එක එනකල් ආසිත් බලන් ඉන්නවා. හැමදාම බස්එක පස්සෙන් ගියත් බේබම්මාට මුහුණ දෙන්නෙත් නෑ. කතා කරන්නෙත් නෑ. ඉතින් මේ ආදර කතාව කොහොම පටන්ගනියිද,  ලොකුම බාධාව වෙන්නේ මොකක්ද කියන ප්‍රශ්න වලට උත්තර හොයාගන්න ගමන් චිත්‍රපටයත් නරඹන්න කියලා හැමෝටම ආරාධනා කරනවා. 

අවසාන වශයෙන් චිත්‍රපටයේ වාර්තා ටික හොයාගන්න උදව් කරපු තිමාල් ප්‍රනාන්දු සහෝදරයාටත් බොහොම ස්තූතියි කියමින් අදට සමුගන්නවා. තවත් උපසිරැසියකින් හමුවෙමු. ඔබට ජය!

සිංහල උපසිරැසි මෙතනින් බාගන්න

චිත්‍රපටය Baiscopedownloads අඩවියෙන් බාගන්න

Mirzapur [S02 : E02] Sinhala Subtitle | සිංහල උපසිරැසි

ආයුබෝවේවා! පොඩි නිහැඬියාවකින් පස්සේ කට්ටියත් එක්කම තවත් උපසිරැසියක් කරන්න අවස්තාව ලැබුණා. මිර්සාපූර් කතා මාලාවේ දෙවෙනි සීසන් එකේ දෙවෙනි කොටසට තමයි අද උපසිරැසි අරන් ආවේ. කලින් කොටස බලපු අයට පහුගිය කතාමාලාව නැවතුනේ කොහොමද කියලා මතකය අවදි කිරීමක් කළා මතක ඇති. 

ගුඩ්ඩු-බබ්ලු දෙන්නා බල අරගලයට මැදිහත් වුන විදිහ වගේම බල තණ්හාව නිසා අන්තිමේදි වුනදේත් මතක ඇති. අන්තිමට වුනේ විවාහ මංගල උත්සවයේදි සිද්ද වුන වෙඩි තැබීමෙන් බබ්ලු වගේම ස්වීටිත් ජීවිතය හැරගියා. ගුඩ්ඩු බරපතල තුවාල ලැබුවත් ජීවිතේ බේරුණා. දෙවෙනි කතා සමය පටන්ගත්තේ ගුඩ්ඩු ඇතුලු පිරිස පැනලා යන සිදුවීමෙන්. පහුගිය කොටස පුරාම දැකගන්න ලැබුණේ ඒ සිදුවීම. ඉතින් පහුගිය කොටසේ අන්තිමට ගුඩ්ඩු ඇතුලු පිරිස පොලිසියට අහුවෙන්න ඔන්න මෙන්න අවස්තාවක් ඇති වුනා. කොහොමින් හරි එතනිනුත් බේරිලා පැනගන්න එයාලට අවස්තාව ලැබුණා. 

අද කතාව ගැන නම් කියන්න යන්නේ නෑ. ඒ කුතුහලය තියාගෙනම කතාව බලන්න කියලා හැමෝටම ආරාධනා කරනවා. ඉතුරු කොටස් ටිකටත් උපසිරැසි අපේ සහෝදර උපසිරැසිකරුවෝ ටික අරන් ඒවි. ඉතින් මේ කතාමාලාවට උපසිරැසි කරන්න ආරාධනා කරපු මයුර සුරාජ් සහෝදරයාටත් ස්තූතිවන්ත වෙමින් අදට සමු ගන්නවා. තවත් උපසිරැසියකින් හමු වෙමු. ඔබට ජය!

සිංහල උපසිරැසි මෙතනින් බාගන්න

Avrodh the Siege Within [S01 : E04] Sinhala Subtitle | සිංහල උපසිරැසි

 

ආයුබෝවේවා! එහෙනම් අද එකතු වෙන්නේ කුතුහලයෙන් බලාගෙන හිටිය කතා මාලාවේ හතරවෙනි කොටසත් එක්ක. අද කොටස ගැන කතා කරන්න කලින් පහුගිය කොටස ගැන පොඩ්ඩක් මතක් කරන් ඉමු. පහුගිය කොටස පටන් ගත්තේ පැනලා ගියපු ත්‍රස්ථවාදීන් තුන්දෙනා ලුහුබැඳලා යන සිදුවීමත් එක්ක. මේජර් සූද්ට වෙඩි වැදුනා මතකත් ඇති. මේජර් රෝනක් ගෞතම් ඇතුලු පිරිස ත්‍රස්ථවාදීන් තුන් දෙනාව හඹා ගිහින් ඝාතනය කරනු ලැබුවා. ඒ වගේම වාර්තාකාරිණියක් වන නම්රිතා වෙනස්ම දෙයක් සැලසුම් කරන බවකුත් පෙනී ගියා. ඊට පස්සේ ත්‍රස්ථවාදීන්ට සම්බන්ධ පිරිස් හොයාගෙන ගිහින් සුක්ධර් කියන ගමෙන් මෙට්‍රික්ස් ශීට්ස් වගයකුත් හොයාගත්තා. අන්තිමට කතාව ඉවර වුනේ අගමැතිතුමාත් මේකට හොඳ උත්තරයක් දෙන්න ඕන කියන ප්‍රකාශයෙන්. 

අදත් කියනවා පොඩ්ඩක්වත් ස්පොයිල් කරගන්න අකැමැති අය මේ ටික කියවන්නේ නැතුව සබ් එක අරන් කමෙන්ටුවකුත් දාගෙන යන්න.  අද කතාව පටන්ගන්නේ නොසිතූ සිදුවීමකින්. ඒ වගේම අද කතාවට අලුතින් සාමාජිකයන් කිහිප දෙනෙක් එකතු වෙනවා. පළවෙනියා තමයි ජාතික විමර්ශන ඒජන්සියේ අලී රාසා. විමර්ශන කටයුතු වේගවත් වෙන විදිහ වගේම අලුත් හෝඩුවාවල් හොයා ගන්න විදිහ අනුව ඔහුගේ දස්කම් දැක ගන්න ලැබේවි. අන්තිමේදි එක් වෙනවා ත්‍රස්ථවාදීන් හඹා යෑමේ අති දක්ෂයෙක්. ඒ ගැන කතාව බලලම දැනගන්න කියලා ආරාධනා කරනවා. 

එහෙනම් ඉතුරු කොටස් ටිකට උපසිරැසි තවත් බයිස්කෝප් සහෘදයන් කිහිප දෙනෙක් විසින් රැගෙන ඒවි. මේ කතා මාලාවට සම්බන්ධ වෙන්න ආරාධනා කරපු තරිඳු රුක්ෂාන් අයියාටත් ස්තූති කරමින් අදට සමු ගන්නවා. තවත් උපසිරැසියකින් හමු වෙමු. ඔබට ජය!

සිංහල උපසිරැසි මෙතනින් බාගන්න

චිත්‍රපටය Baiscopedownloads වෙබ් අඩවියෙන් බාගන්න

Avrodh the Siege Within [S01 : E03] Sinhala Subtitle | සිංහල උපසිරැසි

 

ආයුබෝවේවා!  පොඩි නිහැඬියාවකින් පස්සේ තමයි උපසිරැසියක් අරන් ආවේ. දැන් නම් ඉතින් උපසිරැසියක් අරන් එන්න වෙන්නේ ලැබෙන පොඩි නිවාඩු වලින් තමයි. ඡන්ද නිවාඩුව අස්සේ තරිඳු අයියා ඇහුවා මල්ලි ටීවි සීරිස් එකක් තියනව සබ කරමුද කියලා. ට්‍රේලරේ බලපු ගමන් කිව්වා කරමු කියලා. අනිවා බලන්න කියලා හැමෝටම කියන්න පුලුවන්. මුල ඉඳන්ම කිසිම කම්මැළි කමක් නැතුව බලන්න පුලුවන් සීරිස් එකක් කියලා සහතික කරන්න පුලුවන්.

එහෙනම් වැඩි කතා නැතුව අද කොටස ගැන බලමු. පහුගිය කොටස නතර කරේ කුතුහලය අවුස්සලා තියලා නෙහ්. පහු ගිය කොටසෙදි මතක ඇති නේ ඌරී කඳවුරේ වල් කපන්න කියලා දෙන්නෙක් එක්කන් ඇවිත් කඳවුර ගැන තොරතුරු බලාගෙන ගිහින් ඌරී කඳවුරට දරුණු ප්‍රහාරයක් එල්ල කළා. පසුගිය කොටස අවසානයේ දැක ගන්න ලැබුණා කඳවුරේ හිටිය සෙබලුන්ට වෙඩි තියලා, කඳවුරට බොම්බ ගහලා පැනලා යන ත්‍රස්ථවාදීන්ගේ පස්සෙන් ගිය මේජර් සූද්ට වෙඩි වැදුණා. ඉතින් අද කතාව එතැන ඉඳන්.

අද කතාව ගැන පොඩි සඳහනක් කරන්නම්. පොඩ්ඩක්වත් ස්පොයිල් කරගන්න කැමති නැති අය මේ ටික නොකියවා සබ් එක අරන් ගියා නම් හොඳයි. :P ඌරී කඳවුරට ප්‍රහාරය එල්ල කරලා ත්‍රස්ථවාදීන් හතර දෙනා පලා යද්දි එක ත්‍රස්ථවාදියෙක්ට වෙඩි වැදුණා මතක ඇති. ඉතින් ඉතුරු තුන්දෙනාව ලුහු බඳින සිදුවීම අද කතාවෙන් දැකගන්න පුලුවන්. දිගින් දිගටම මාධ්‍ය වලින් රජයට බලපෑම් එල්ල වෙනවා. දේශපාලනය පැත්තෙන් පාලනය කරගෙන යන ගමන් මේ මෙහෙයුම සිදු කරන විදිහ බලන්න කියලා හැමෝටම ආරාධනා කරනවා. "වෙනදා කතාවල වගේ කොච්චර වෙඩි තිබ්බත් මැරෙන්නේ නැති ඒවා මේවයේ නෑ :P) ඊලඟ කොටසින් හම්බවෙමු. ඔබට ජය!

සිංහල උපසිරැසි මෙතනින් බාගන්න

චිත්‍රපටය Baiscopedownloads වෙබ් අඩවියෙන් බාගන්න

Illegal - Justice, Out of Order (2020) - S01E04 Sinhala Subtitle | සිංහල උපසිරැසි

ආයුබෝවේවා! කලින් කොටසෙදි දැක්කනේ නිහාරිකාට නොසිතූ දෙයකට මුහුණ දෙන්න සිද්ද වුනා. ඒ සිදුවීමත් එක්ක තමයි පසුගිය කතාංගය ඉවර වුනේ. දැන් තේරෙනවා ඇති කතාව තනිකරම රහස් වලින් පිරිලා තියෙන්නේ කියලා. අදත් රහස් කිහිපයක්ම හෙලි වෙනවා. එක රහසක් නඩුවට බෙහෙවින්ම බලපාන එකක්. ඒ වගේම දූෂණයක් වුනා යැයි කියන අගෝස්තු 8 වෙනිදා වුනේ මොකක්ද කියලත් අද දැනගන්න ලැබෙනවා. අද කොටසෙන් වැඩි ඉඩක් වෙන් වෙලා තියෙන්නේ නඩුව විමසීම සම්බන්ධයෙන්.

කතාව දැන් නම් ගොඩක් කුතුහලය අවුස්සන්න පටන් අරන් තියෙනවා. දැන් දැන් කතාව බොහොම ආකර්ශනීය විදිහට ගලාගෙන යනවා. ඉදිරියේදි තවත් නොසිතූ දේවල් සිද්ද වෙනවා. මෙහෙම තමයි වෙන්න ඇත්තේ කියලා ඔයාලා හිතාගෙන හිටිය දේවල් එහෙම පිටින්ම අනිත්පැත්ත ගැහෙනවා. එහෙනම් කුතුහලයේ ගිල්වාලන මේ කොටසත් බලන්න කියලා හැමෝටම ආරාධනා කරනවා. 
ඒ වගේම ස්තූතිවන්ත වෙන්න ඕන දසන් බුද්ධික සහෝදරයාට මේ කතා මාලාවට උපසිරැසි ලබා දීමට ආරාධනා කරාට. කොටස් 10කින් සමන්විත කතා මාලාවේ කොටස් දෙකකට උපසිරැසි ලබාදෙන්න අවස්තාව ලැබුණා. ඉතුරු කොටස් ටික අපේ සහෝදර උපසිරැසිකරුවන් විසින් රැගෙන ඒවි.

තවත් උපසිරැසියකින් හමුවෙමු.

ඔබට ජය!

සිංහල උපසිරැසි මෙතනින් බාගන්න

චිත්‍රපටය Baiscopedownloads වෙබ් අඩවියෙන් බාගන්න