Athiran (2019) Sinhala Subtitle | සිංහල උපසිරැසි

ආයුබෝවේවා! ඔන්න තවත් ආසාවෙන් බලාගෙන හිටපු මලයාලම් සලරුවකට සිංහල උපසිරැසි අරන් ආවා.  Mystery, Thriller කියන කාණ්ඩයට අයිති වන මේ චිත්‍රපටය නිකුත් වුනේ 2019 අප්‍රේල් 12 වෙනිදා. චරිතාංග රංගණයට උපන් හපන්  Fahadh Faasil සමඟින් සුරූපී නිළි Sai Pallavi රංගණයෙන් දායක වන මේ චිත්‍රපටය අධ්‍යක්ෂණය කර තිබෙන්නේ Vivek විසින්. ඉන්දියානු රුපියල් කෝටි 5ක වියදමකින් නිෂ්පාදනය කෙරුණු මේ චිත්‍රපටය කෝටි 13ක ආදායමක් ලබන්නත් සමත්කම් දක්වනවා. IMDb දර්ශකයේ මේ වන විට 7.1ක අගයක් ලැබී තිබෙනවා. ඒ වගේම මේ චිත්‍රපටය නිෂ්පාදනයට "The System of Doctor Tarr and Professor Fether", සහ Shutter Island කියන නව කතා යම්තාක් දුරට පාදක කරගෙන තිබෙන බවත් සඳහන්. 

කතාව ගැන නම් වැඩිය කියන්න යන්නේ නෑ මොකද මේක අයිති වෙන්නේ Mystery කාණ්ඩයටනේ. ඉතින් කතාව කලින් දැනගත්තොත් වැඩක් නෑ. මෙහෙම කෙටියෙන් කියන්නම්. 

නිත්‍යා කියන්නේ මානසික ආබාධයක් තිබෙන දරුවෙක්. හැබැයි ඉතාමත් වංශවත් පවුලකින් පැවත එන විශාල දේපළකට උරුමකම් කියන කෙනෙක්. දවසක් නිත්‍යාව බලාගත්ත එයාගේ නැන්දා, ලක්ෂ්මි ගෙදරින් පිට වෙලා ආපහු එනකොට ගෙදර හිටිය හතර දෙනෙක්ව මරලා දාලා. මළ සිරුරු ලඟට වෙලා නිත්‍යා බලාගෙන ඉන්නවා. මේ තත්වය මත නිත්‍යාව බලාගන්න බැරි නිසා මානසික වෛද්‍ය වරයෙක්ට බාර දීලා ඇයව බලාගන්න කියලා දේපලත් ඔහුට ලබා දෙනවා. අවුරුදු පහකට පස්සේ මේ මානසික රෝහල ගැන පරික්ෂා කරන්න ඩොක්ටර් නායර් කියලා කෙනෙක් එනවා. එතනදී ඔහුට යම් යම් සැක සහිත දේවල් දැක ගන්න ලැබෙනවා. ඒවත් එක්ක තමයි කතාව ගලාගෙන යන්නේ. එහෙනම් වට පිටාව ඇවිස්සුවා ඇති. හරි හැටි දැනගන්න ෆිලුම බලලම ඉන්නකෝ.

ප.ලි. Kumbalangi Nights සබ් එක දීලා සතියක් යනකොට ෆාසිල්ගේ මේ ෆිලුමටත් සබ් එක කරන්න අවස්තාව ලැබුණා. ඇත්තටම කියන්න ඕන Kumbalangi Nights වෙනුවෙන් නම් සයිට් එකේ දාන කමෙන්ට්ස් වලට වඩා මුහුණු පොතෙන් ගොඩක් හොඳ ප්‍රතිචාර ලැබුණා. ඒ හැමෝටම බොහොම ස්තූතියි කියන්න ඕන. ඒ වගේම මලයාලම් රසිකයෙක් නම් අනිවාර්යයෙන් ඒ චිත්‍රපටය බලන්න කියලා ආරාධනා කරනවා. මොකද මෑත කාලයේ ඒ චිත්‍රපටය තරම් පැසසුම් ලබපු චිත්‍රපටයක් නැති තරම්. ඒ වගේම මේ චිත්‍රපටයත් බාරගෙන තිබ්බේ තරිඳු රසාංග මලයා. හැබැයි ඉතින් එයාට ඉගෙනීම් කටයුතු නිසා කරන්න වෙන්නේ නෑ කියපු නිසා දෙවෙනියට චිත්‍රපටය ඉල්ලලා තිබ්බ මට කරන්න අවස්තාව ලැබුණා. ඉතින් ඒ අවසරය ලබා දුන් සිසිල ප්‍රසාද් සහෝදරයටත් බොහොම ස්තූතියි කියන ගමන් අදට සමුගන්නවා. 

තවත් උපසිරැසියකින් හමු වෙමු. 

ඔබට ජය!

සිංහල උපසිරැසි මෙතනින් බාගන්න

චිත්‍රපටය මෙතනින් බාගන්න

Attachments

Kumbalangi Nights (2019) Sinhala Subtitle | සිංහල උපසිරැසි

ආයුබෝවේවා! ඔන්න තවත් බලාගෙන හිටිය මලයාලම් චිත්‍රපටයකට සිංහල උපසිරැසි අරන් ආවා. 2019 පෙබරවාරි 7 වෙනිදා නිකුත් වුන මේ සලරුව අධ්‍යක්ෂණය කරලා තිබෙන්නේ  C. Narayanan විසින්. ඔහුගේ පළමු සිනමා අධ්‍යක්ෂණයට නිෂ්පාදනයෙන් දායක වී තිබෙන්නේ  Fahadh Faasil, Nazriya Nazim, Dileesh Pothan, සහ Syam Pushkaran විසින්. 

ඉන්දියානු රුපියල් කෝටි 6.5ක වියදමකින් නිෂ්පාදනය වුනු මේ චිත්‍රපටය අතිශය ජනප්‍රසාදය දිනා ගැනීම හේතුවෙන් රුපියල් කෝටි 39ක බොක්ස් ඔෆිස් ආදායම් වාර්තාවක් තබන්නට සමත්කම් දැක්වුවා. ඒ වගේම IMDb දර්ශකයේ 8.9ක් වැනි ඉතා ඉහළ අගයක් මේ වන විට හිමි වී තිබෙනවා. Shane Nigam, Fahadh Faasil, Soubin Shahir, Sreenath Bhasi, Anna Ben, සහ Mathew Thomas යන අය ප්‍රධාන චරිත වලට රංගණ දායකත්වය දක්වා තිබෙනවා.

මේ චිත්‍රපටය කුම්බලංගි කියන දූපත් වලින් සමන්විත ධීවර ගම්මාණයේ පැල්පතක ජීවත් වන සහෝදරයෝ හතර දෙනෙක් වටා ගෙතෙන සොඳුරු සිනමා සිත්තමක්. සාජි,බොනී,බොබී සහ ෆ්රෑන්කි කියන මේ සහෝදරයෝ හතර දෙනා වෙනස් අදහස් තියෙන, වෙනස් වයස් මට්ටම්වල ඉන්න හතර දෙනෙක්. ෆ්රෑන්කි තමයි බාලයා. අයියා කියන විදිහට කොහෙදෝ නැති වාසනාවක් පාත් වෙලා තමයි මූට හොඳ ඉස්කෝලෙකට ඇතුලත් වෙන්න ලැබිලා තියෙන්නේ. ඉස්කෝලේ නිවාඩුවට යාලුවෝ ෆ්රෑන්කිලාගේ ගෙදර යමු කියනකොට ලැජ්ජාව නිසාදෝ  බොරුවක් කියලා ගෙදර එනවා. ගෙදර ඉන්නේ සාජි සහ බොබී කියන අයියලා දෙන්නා විතරයි. බොබී වැඩක් පලක් නොකර ඔහේ වැව් ඉවුරට වෙලා ඉන්න චරිතයක්. ඉතින් ඕකත් අල්ලගෙන මේ අයියලා දෙන්නගෙ වැඩේ මරාගන්න එක. ෆ්රෑන්කිට මේ දෙන්නගේ ආරවුල් නිසා මේ දෙන්නව එපා වෙලා ඉන්නේ. ඒත් ෆ්රෑන්කි කැමතිම සහ එයා ගැන හොයලා බලන අයියා තමයි බොනී. එයා ගෙදරින් ටිකක් ඈත් වෙලා ඉන්නේ.

දවසක් බොබීගේ කට්ට කලු යාලුවෙක්ට කෙල්ලෙක් සෙට් වෙනවා. බොබීට ඒක නම් ටිකක් වදිනවා. මොකද මට නැත්තේ කියලා හිතෙන්න ඇති. 😃 කොහොමින් කොහොම හරි බොබීටත් හුරු බුහුටි කෙලි පැටික්කියකගේ බැල්ම වැටෙනවා. එයා හොඳට ඉගෙන ගත්ත කෙනෙක් වුනත් ඉතින් හිත ගිය තැන මාළිගාව කියනවනේ. ඒත් එක්ක තමයි ප්‍රශ්න මතු වෙන්න ගන්නේ. නිකමෙක් වගේ ඉන්න රස්සාවක්වත් නැති කෙනෙක් කොහොමද ගෑණු ළමයගේ ගෙදරින් කැමැත්ත ගන්නේ? ඒකත් එක්කම නිකමෙක් වගේ හිටිය බොබී ට අරමුණක් ලැබෙනවා. ඒ අරමුණත් එක්ක පසුබිම විපරම් කරපු චිත්‍රපටයට කතාවක් ලැබෙනවා. එහෙනම් ඒ සොඳුරු කතාව රස විඳින්නට ඔබ සැමට ආරාධනා කරමින් අදට සමු ගන්නවා. 

තවත් උපසිරැසියකින් හමු වෙමු. 

ඔබට ජය!

සිංහල උපසිරැසි මෙතනින් බාගන්න

චිත්‍රපටය මෙතනින් බාගන්න