අසාර්ථකත්වය..!
ගොඩක් සාර්ථක වුන මිනිස්සුන්ගේ පිටිපස්සෙන් ආපු දෙයක්.
සාර්ථක මිනිස්සුන්ට තමන්ගේ වැරදි පෙන්වා දීපු දෙයක්.
සමහර මිනිස්සුන්ට ආශිර්වාදයක් වුනු දෙයක්.
ඒත් සමහර මිනිස්සුන්ට ජීවිතේ එපා කරපු දෙයක්.
අසාර්ථකත්වය හෙවනැල්ල වගේ ආවත්
ඒ හැම දේකින්ම ඉගෙනගෙන
සාර්ථකත්වය ලඟා කරගැනීම තමයි
ජීවිතේ ජය ගන්න ඕන කියලා හිතන කෙනෙක් කළ යුතු වන්නේ.
2019 අප්‍රේල් 12 නිකුත් වුනු අලුත්ම තෙලුගු චිත්‍රපටයකට උපසිරැසි අරන් තමයි මේ ඇවිත් ඉන්නේ. Kishore Tirumala විසින් අධ්‍යක්ෂණය කර ඇති මේ චිත්‍රපටයේ ප්‍රධාන චරිත වලට රංගණයෙන් දායක වනනේ Sai Dharam Tej සමඟින් සුරූපී නිළි Kalyani Priyadarshan. ඉන්දියානු රුපියල් කෝටි 7ක වියදමකින් නිෂ්පාදනය කළ මේ චිත්‍රපටය කෝටි 27ක ආදායමක් ලබා ගන්න සමත්කම් දැක්වුවා. IMdb දර්ශකයේ 7.6 ක අගයක් ලබාගන්නත් මේ චිත්‍රපටය සමත්කම් දක්වා තිබෙනවා.
ලිපියේ මුලින්ම දැම්ම ප්‍රකාශයෙන් කතාව ගැන යම් අදහසක් එන්න ඇති කියලා හිතනවා. මේ චිත්‍රපටයෙන් කියවෙන්නේ අසාර්ථකත්වය හෙවනැල්ල වගේ නිතරම තමා වටේ කැරකෙන තරුණයෙක් ගැන. විජේ කියන්නේ පොඩි කාලේ ඉඳන් පොඩි පොඩි ගැජට් හදන්න හැකියාවක් තියෙන කෙනෙක්. ඉතින් ඒ පුරුද්දත් එක්ක විජේ ඉගෙනගෙන ඉංජිනේරුවෙක් වෙනවා. හැබැයි අත ගහන හැම වැඩේම අසාර්ථකයි. මිනිස්සුන්ට වැඩකට ඇති දෙයක් දෙන්න නිතරම කල්පනා කරත් එයාට සහයෝගය දක්වන්න කවුරුත් ඉදිරිපත් වෙන්නේ නෑ. කරන හැම දෙයක්ම අසාර්ථක වෙද්දි මෙයාට තිබ්බ එකම සැනසීම තමයි එයාගේ පෙම්වතිය. එහෙමත් නැත්නම් ලෙහෙරි. ඒ වගේම හැම දේකටම එයාගේ තාත්තත් එයාගේ පස්සෙන්ම ඉන්නවා. ඔය අතරේ අනතුරු වලදී ස්වයංක්‍රියව අදාල පාර්ශවයන්ට අණතුරු හැඟවීම් යන උපකරණයක් නිපදවන්න විජේ කටයුතු කරනවා. ඒ අතරේ වැරදි වැටහීමකින් සහ විජේ කියපු බොරුවක් නිසා ලෙහෙරි විජේව දාලා යනවා. මේ සිදුවීම් මාලාවත් එක්ක විජේගේ ජීවිතේ වෙනස් වෙන්න ගන්නවා.වටිනා ආදර්ශ රැසක් ලබා දෙන චිත්‍රපටයක් විදිහටත් නම් කරන්න පුලුවන්. ඉතින් අසාර්ථකත්වය තුලින් නැගිටීමට වෙර දරන මිනිසෙකුගේ කතාවක් දැක බලා ගැනීමට ඔබ සැමට ආරාධනා කරනවා.
ප.ලි: තරිඳු රසාංග මලයා තමයි මේ උපසිරැසිය බාරගෙන තිබ්බේ. ඉතින් කොටසක් කරමුද කියලා අහනකොට ඉතින් බෑ නොකියා ඉන්නේ කොහොමද? කල්‍යාණි අක්කනේ ඉන්නේ. :P ඉතින් මේක කරමු කියලා කියපු තරිඳු මල්ලිටත් බෙහොම ස්තූතියි කියන ගමන් අදට සමු ගන්නවා.
No comments:
Post a Comment
අදහසක් පළකරගෙන යන්න.