ඔන්න තවත් මලයාලම් චිත්‍රපටයකට උපසිරැසියක් අරන් ආවා. මෙච්චර කල් තෙළිගු ෆිල්ම් බදාගෙන හිටියට, මලයාලම් රසිකයෝ තමයි මම කරපු පළමු මලයාලම් චිත්‍රපටයටම, එදා මෙදා තුර මට ලැබුණු වැඩිම කමෙන්ට්ස් වලින් සංග්‍රහ කරලා තිබුණේ. ඉතින් ඊට ප්‍රති උපකාර කිරීමක් වශයෙන් තවත් මලයාලම් චිත්‍රපටයකට උපසිරැසියක් කරන්න ඕන කියලා හිතලා චිත්‍රපටයක් හොයනකොට තමයි මේක ගැන දැනගන්න ලැබුණේ. විස්තර හොයලා බලනකොට 2017 වසරේ නිකුත් වුන හොඳම මලයාලම් චිත්‍රපට වලින් එකක්.
2017 දෙසැම්බර් 22 තිරගතකිරීම ආරම්භ කරපු මේ චිත්‍රපටය අධ්‍යක්ෂණය කරලා තියෙන්නේ Aashiq Abu විසින්. ඔහුත් සමග එක්ව Santhosh T. Kuruvilla නිෂ්පාදනයට දායකත්වය දක්වා තිබෙනවා. මෑතක නිකුත් වුන Parava චිත්‍රපටය ඇතුලුව චිත්‍රපට ගණනාවකට සංගීතය සපයා ඇති Rex Vijayanවිසින් සංගීතය සපයා තිබෙනවා. චිත්‍රපටය පුරාම අපූරු නාද රටාවන් අසන්නට පුලුවන් වේවි. ඒ වගේම මේ චිත්‍රපටයේ ගීත සියල්ලම වාගේ අතිශය ජනප්‍රිය වුනා. මෙහි එන ප්‍රධාන චරිත දෙක තමයි මැතිව් සහ අපර්ණා. මැතිව් ලෙස Tovino Thomas සහ අපර්ණා ලෙස Njandukalude Nattil Oridavelaසිනමා පටයෙන් සිනමා දිවිය ඇරඹු Aishwarya Lekshmi රංගණයෙන් දායකත්වය දක්වා තිබෙනවා.
මැතිව් කියන්නේ කාත් කවුරුත් නැති, ජීවත් වෙන්න පොඩි පොඩි ගේම් දිදී ඉන්න කෙනෙක්. අපර්ණා කියන්නේ නිළියක් වෙන්න හීන දකිමින්, උත්සව මෙහෙයවීම් කරලා සල්ලි හොයාගෙන තමන්ගේ අම්මාවත් මල්ලිවත් බලාගෙන ඉන්න කෙනෙක්. ඒ වගේම මැතිව් කියන්නේ ඉගෙන ගන්න කාලේ අපර්ණාගේ කොලේජ් එකේ හිටිය සීනියර් කෙනෙක්. ඉතින් මෙයා සීනියර්ගේ දැලට අහුවෙලා කාලයක් යද්දී එයාගේ යාලුවෙක්ව කොලේජ් එකට දාගන්න මැතිව්ට සල්ලි වගයක් දෙනවා. ඒ වුනාට මැතිව්ට වැඩේ කරගන්න බැරි වෙනවා. එතනින් ඇති වෙන හිත් අමණාප කමක් නිසාවෙන් අපර්ණා, මැතිව් එක්ක විරසක වෙනවා. එතනින් පස්සේ සිදුවන දේවල් ගැන තමයි කතාව ගලාගෙන යන්නේ. තමන්ගේ ආදරය යලි දිනා ගන්නට මැතිව් දරණ උත්සාහයත්, ජීවිතේ ගොඩ දාගන්න කරන වෑයමත්, පොඩි ගේමක් දෙන්න ගිහින් සිදුවූ අත්වැරැද්දක් නිසාවෙන් පසු පස හඹා එන පොලිසියෙන් බේරී, ජීවිතේ පිළිවෙලක් කරගන්න මැතිව්ස් දරන උත්සාහය මේකෙන් බලාගන්න පුලුවන්.
65 වන ෆිල්ම් ෆෙයාර් (දකුණු ඉන්දියානු) සම්මාණ උළෙලේදී හොඳම නළුවා (විචාරක) ලෙසින්Tovino Thomas සම්මාණයට පාත්‍ර වුනා. මෙම චිත්‍රපටය වෙනුවෙන් Rex Vijayan හට හොඳම සංගීත අධ්‍යක්ෂකවරයාට හිමි සම්මාණය හිමි වෙද්දී “Mizhiyil” ගීතය වෙනුවෙන් හොඳම පද රචනයට හිමි සම්මාණය දිනා ගන්නට Anwar Ali හට හැකියාව ලැබුණා. ඒ ටිකම මදෑ ෆිලුම බලන්න. 
මලයාලම් රසිකයෝ නම් අනිවාර්යයෙන් බලනවා කියලා දන්නවා. අනිත් අයටත් බලන්න කියලා ආරාධනා කරනවා.
මලයාලම් රසිකයෝ නම් අනිවාර්යයෙන් බලනවා කියලා දන්නවා. අනිත් අයටත් බලන්න කියලා ආරාධනා කරනවා.
මේ චිත්‍රපටයට ඉංග්‍රීසි හාඩ් සබ් තමයි ඇවිත් තිබ්බේ. ඒ නිසා වෙනත් භාෂාවකින් කරලා තිබ්බ සබ් එකක කාළ රාමු අරගෙන ඒකෙත් අඩුපාඩු හදාගෙන තමයි සබ් එක කරේ. සම්මාණ ලබන්නට තරම් සංගීතයක් මේකේ තිබ්බත් හාඩ් සබ් එකේ සින්දු ටිකට ඉංග්‍රීසි සබ් තිබ්බේ නෑ. සින්දු වල ඉංග්‍රීසි පරිවර්ථනයක් හොයාගෙන ඒවට කාළ රාමු අලුතෙන්ම හදලා තමයි සින්දු ටික පරිවර්ථනය කරේ. ඒ නිසා හිතුවට වඩා පොඩි කාලයක් ගත වුනා. තව දෙයක්, පොඩි පොඩි දර්ශන කීපයක් නිසා පවුලේ අම්මලා, තාත්තලා, අයියලා, අක්කලා, නංගිලා, මල්ලිලා එක්ක බලන එක එතරම්ම නුවණට හුරු දෙයක් නෙවෙයි. උපසිරැසිය ගන්න ගමන් අදහසක් පළකරගෙන යන්න කියලත් මතක් කරනවා.
උපසිරැසිය ගන්න ගමන් අදහසක් පළකරගෙන යන්න කියලත් මතක් කරනවා.
තවත් උපසිරැසියකින් හමු වෙමු.
ඔබට ජය!
